Lord of the Rings- The Two Towers

Lord of the Rings- The Two Towers



10 Aug 19:30 - 11 Aug 22:30 - Reykjavík
Harpa Concert Hall and Conference Centre

Route

LORD OF THE RINGS- THE TWO TOWERS
230 MANNS Á SVIÐI ELDBORGAR- Sérstakur gestur Emilíana Torrini
SinfóníaNord - Kór söngsveitar Fílharmóníu – Barnakór Kársnesskóla

Óskarsverðlaunamyndin Lord of the Rings – The Two Towers– (Hringadróttinssaga – Tveggja turna tal) verður sýnd í fullri lengd í Eldborgarsal Hörpu ásamt stórri sinfóníuhljómsveit, einsöngvurum og kórum. Tónlist og söngur myndarinnar, eftir eitt virtasta kvikmyndatónskáld samtímans – Howard Shore– verður flutt lifandi undir þessari frábæru kvikmynd – sem af mörgum er talin vera eitt besta verk kvikmyndasögunnar. Þess má geta að tónlistin í kvikmyndinni hefur fengið fjölda verðlauna. Alls verða yfir 230 manns á sviði Eldborgar sem gerir þessa sýningu að einum stærsta viðburði sem haldinn hefur verið í Hörpu. Sérstakur gestur Emilíana Torrini, en hún flytur lagið Gollum´s song, sem hún samdi og söng í kvikmyndinni.



Hringadróttinssaga: Tveggja turna tal
Tónlist tónskáldsins Howard Shore við fyrsta hluta Hringadróttinssögu, Föruneyti hringsins, opnaði fyrir áhorfendum stórbrotið ævintýri J.R.R. Tolkiens, Miðgarð og fjölbreytilega menningarheima. Í öðrum hluta þríleiksins, Tveggja turna tali, vofa ógnvænlegir skuggar Mordor yfir og færast í aukana þegar Sauron reynir að tryggja sér Hringinn eina.
Tveggja turna tal hefst eftir að Föruneyti hringsins hefur leyst upp í þrjá hópa. Þrátt fyrir þá ógæfu eru ólíkir menningarheimar Miðgarðs farnir að þétta raðirnar og viðtekin stéttaskipting tekin að leysast upp þegar frjálsbornir menn fylkja liði til að bregðast við vaxandi mætti Saurons myrkradróttins. Tónlistin í Tveggja turna tali er að sama skapi flóknari heldur en í Föruneyti hringsins. „Föruneyti hringsins endar með því að föruneytið leysist upp,“ segir Shore. „Tveggja turna tal fylgir þessum þremur brotum föruneytisins eftir í jafnmörgum aðgreindum sögum“.
Í Tveggja turna tali þróar Shore áfram einkennisstefin sem voru í Föruneyti hringsins og kynnir til sögunnar nýjar persónur og menningarheima – en leggur áherslu á tengsl einstaklinga sem standa frammi fyrir sífellt flóknari ógn sem steðjar að Miðgarði. Temu Héraðsins berast þannig með Káti og Pípinni inn í Fangornskóg, þar sem þau blandast við óblíða tónlist Entanna. Entarnir tengjast hreinsandi bylgjum í tónverkinu Endurheimt náttúrunnar, en þar er hreinleikinn túlkaður með sópran drengjarödd – sömu rödd og lokkar til sín fórnarlömbin í Ginningu Hringsins. Megineinkennisstef Hringsins eina, Saga Hringsins, blandast saman við Eymd Gollris meðan þessi aumkunarverða skepna fylgir Fróða og Sóma – ásamt Djásninu – stöðugt nær Mordor. Víggirtur turn Saurons gnæfir upp við sjóndeildarhringinn og æsir upp tónlistartema Ísarngerðis sem ryðst inní lúðraþyt Róhan – riddaranna. Listilega ofinn tónavefur Róhan – riddaranna fær óvænt öflugan liðsauka: Föruneytisstefið, sem stendur núna fyrir laskaðan liðsafla Manna, Álfa, Dverga og Vitka. Og þannig viðhaldast venslin, tónlistarheimar hringast og fléttast saman sem skapar sífellt stærri tengd stef. En í fjarska magnast skuggar Mordors og nálgast Miðgarð óðfluga...

Athugið myndin er ekki við hæfi barna undir 12 ára aldri


Ólafur Arnalds í Eldborg

18 Dec 20:00 - 22:30 18 Dec 20:00 - 22:30 - Reykjavík Reykjavík
Harpa Concert Hall and Conference Centre Harpa Concert Hall and Conference Centre
Tónlistarmaðurinn og BAFTA-verðlaunahafinn Ólafur Arnalds lýkur viðburðaríku ári með tónleikum í Eldborgarsal Hörpu þann 18. desember en tónleikarnir eru hluti af metnaðarfyllsta...   More info

Heiðurstónleikar Freddie Mercury

22 Feb 21:00 - 23:30 22 Feb 21:00 - 23:30 - Reykjavík Reykjavík
Harpa Concert Hall and Conference Centre Harpa Concert Hall and Conference Centre
ELDBORG 22. FEBRÚAR 2019 KL. 21:00 MIÐASALA HEFST 28. APRÍL 2018 KL. 12:00 Fáir tónleikar hafa notið jafn mikillar velgengni á Íslandi og Heiðurstónleikar Freddie Mercury, sem...   More info

Öll bestu lög Vilhjálms Vilhjálmssonar

23 Feb 17:00 - 19:30 23 Feb 17:00 - 19:30 - Reykjavík Reykjavík
Harpa Concert Hall and Conference Centre Harpa Concert Hall and Conference Centre
-ÖLL BESTU LÖG VILHJÁLMS VILHJÁLMSSONAR Í ELDBORG 23. FEBRÚAR 2019 KL. 17:00 -Miðasala hefst 28. apríl 2018 kl. 12:00 Einir vinsælustu tónleikar síðari ára snúa aftur vegna...   More info


© 2018 Siguez